Promosyon ni NCRPO Chief Estomo inanunsyo ni SILG Abalos
Inanunsyo ni Secretary of the Interior and Local Government, Atty Benjamin C Abalos, Jr. ang promosyon ni National Capital Region Police Office (NCRPO) Acting Regional Director, Major General Jonnel C. Estomo kadama ang 53 iba panv mid-level at senios officers ng PNP kasabay ng maigting na aktibidad sa inilunsad na ‘BIDA’ Program sa Camp Bagong Diwa, Taguig City.
Unang pinangunahan ni PNP Chief General Rodolfo S. Azurin, Jr. ang oath-taking at donning of rank ng NCRPO Regional Director sa National Headquarters, Camp Rafael T. Crame, Quezon City kung saan binigyan siya ng arrival honors sa pagbalik nito sa kampo sa Taguig City.
Tinanggap ni MGen Estomo ang hamon na pangunahan ang NCRPO at maayos na magtatrabaho kasama ang Metro cops kung saan nagtagumpay sa ilang operasyon,programa at nagbigay seguridad sa malalaking kaganapan sa ilalim ng kanyang liderato.
Kabilang na rito ang pagsasagawa ng S.A.F.E NCRPO na sumisiguro ng tunay na presensiya ng mga pulis,maappreciate at maramdaman ang hinfi matatawarang pagganap sa kanilang tungkulin.
Inilunsad din ni Estomo ang S.A.F.E NCRPO App Alert na layuning mapagbuti at mapabilis ang police emergency assistance na ibibigay sa mga dedikadong emergency reporting system para sa komunidad at ibang establisimiyento sa Metro Manila kaya patuloy na nanumbalik ang tiwala at kumpiyansa ng publiko sa organisasyon.
Kilala din si MGen Estomo sa pagpaprayoridad sa seguridad ng media.Ginarantiya nito na magtutulungan ang pulis at media sa pagbibigay ng totoo at napapanahong impormasyon ng balita kung saan tinawag siyang “Darling of the Media”.
Binibigyang importansiya din ng Estomo ang kapakanan ng Metro cops kaya suprotado siya ng mga pulis dahil din sa pagiging mapagmahal na ama sa kanyang pamilya at masigasag sa pagtatrabaho.
Nangako rin siya na gagawin ang lahat ng kanyang makakaya upang siguruhing ligtas ang Metro Manila para sa mga komunidad. (Bhelle Gamboa)
