Elite force, mobile units ng PNP nasa high alert kaugnay sa paggunita ng anibersaryo ng CPP

Isinailalim sa high alert ang Special Aciton Force (SAF) at ang 17 Regional Mobile Force Battalions (RMFB) ng Philippine National Police (PNP).

Ito ay bilang paghahanda sa idaraos na 54th Founding Anniversary ng Communist Party of the Philippines (CPP) sa Dec. 26, 2022.

Ayon kay PNP chief, Gen. Rodolfo Azurin Jr., layunin ng pagtataas ng alerto na maging handa ang PNP sa anumang posibleng pag-atake ng komunistang grupo.

Kasabay nito ay inatasan ni Azurin ang mga pulis na paigtingin ang pagbabantay laban sa mga kriminal na posibleng manamantala ngayong holiday season.

Kasama rin sa babantayan ng PNP ang mga insidente ng indiscriminate firing sa pagdiriwang ng Pasko at Bagong Taon. (DDC)