Aktibong kaso ng COVID-19 sa Lucena City nag-iisa na lang

Bumaba sa isa na lamang ang aktibong kaso ng COVID-19 sa Lucena City sa Quezon.

Sa datos mula sa city public information office (PIO) ang nag-iisang aktibong kaso ay mula sa Barangay Gulang-Gulang.

Target ng pamahalaang lungsod na makamit muli ang pagiging zero COVID sa Lucena City.

Noong March 24 ay naging COVID-19 free na ang lungsod pero isang araw lamang ito tumagal dahil muling nakapagtala ng bagong kaso ng sakit kinabukasan.

Sa kabuuan ay umabot na sa 6,815 ang naitalang kaso ng COVID-19 sa Lucena City. (DDC)