“Balon Dagupan Swim Club” handa na para sa Batang Pinoy National Competition

Nakahanda nang para muling sumabak sa kompetisyon ang Balon Dagupan Swim Club na nakatakdang lumahok sa 2022 Batang Pinoy National Championships sa Vigan City, Ilocos Sur sa December 17 hanggang 21, 2022.

Nag-courtesy call ang swim team ng lungsod kay Mayor Belen Fernandez kasama ang Dagupan City Sports Commission (DCSC).

Ayon kay DCSC Head Finnela Sim, 15 Dagupeño athletes ang kasama sa team ngayong taon na binubuo ng mga swimmers na edad 15 pababa matapos makapasok sa qualifying event noong Agosto.

Samantala, nakatakda ring sumabak sa Kuala Lumpur, Malaysia sa December 17 hanggang 19 ang dalawa sa mga atleta ng lungsod na sina Gabriel Jizmundo at Matthew Gearlan para sa 44th SEA Age Group Swimming Championships.

Kakatawahin ng dalawa ang Pilipinas sa naturang kompetisyon matapos na mag-qualify bilang Top 3 swimmer (best time) sa buong bansa sa 14-15 at 16-18 age group.

Ayon kay Balon Dagupan Swim Club Head Coach Jeff Lao, ito ang kanilang unang international kompetisyon makalipas ang Covid-19 pandemic. (DDC)