Pagbisita sa mga preso sa Cebu City Jail Male Dormitory suspendido muna

Sinuspinde muna ang in-person visitation sa Cebu City Jail Male Dormitory matapos ang isinagawang apat na araw na dry-run sa pagtanggap ng mga bisita sa nasabing dormitoryo kamakailan.

Ayon kay Jail Officer Blanche Bation, information officer ng Cebu City Jail Mail Dormitory, may mga nakitang concern sa isinagawang dry run na kailangang tugunan ng pamunuan ng bilangguan.

Hindi pa matukoy ni Bation kung kailan muling papayagan ang pagtanggap ng bisita ng mga preso.

Sa isinagawang dry run sa in-person visitation noong Nov. 29 at Nov. 30 at Dec. 1 at Dec. 3 ay napansin na time-consuming ang isinasagawang registration ng mga bisita.

Kabilang umano ito sa aayusin sa proseso.

Ang in-person visitation sa bilangguan ay sinuspinde simula noong magkaroon ng pandemya ng COVID-19. (DDC)