Singer na si Jovit Baldivino pumanaw sa edad na 29

Pumanaw na ang Pilipinas Got Talent Grand Champion na si Jovit Baldivino.

Ayon sa malapit na kaibigan ng singer, madaling araw ng Biyernes, December 9, 2022 nang bawian ito ng buhay matapos.

Si Baldivino ay ilang araw na na-confine sa ICU ng Jesus of Nazareth Hospital sa Batangas City.

Sa official statement ng pamilya ng singer, nakaranas ng hypertension si Baldivino at mayroon itong maintenance na gamot.

Inimbitahan umano ito ng isang family friend para mag-perform sa Batangas City, kaya sa kabila ng payo ng doktor na magpahinga ay hindi ito nakatanggi at umawit sa nasabing event.

Tatlong kanta umano ang kinanta noon ni Jovit at sa ikatlong kanta ay napansin na kinakapos na ito ng paghinga.

Nakita na lamang si Jovit na ngiwi na ang mukha kaya agad dinala sa ospital.

Sa CT Scan ng singer, may nakitang blood clot sa kaniyang utak na senyales ng aneurysm.

Ayon sa kaniyang pamilya, na-comatose ng limang araw si Jovit at 4:00 ng madaling araw ng Biyernes (Dec. 9) nang ito ay pumanaw. (DDC)