Second tranche ng financial assistance matatanggap na ng mga senior citizen sa Mandaue City, Cebu

Simula sa susunod na linggo ay matatanggap na ng mga senior citizen ang second tranche ng financial assistance na P4,000 ang halaga.

Ayon kay City Social Welfare and Services head Camilo Basaca Jr., timing ito para sa Pasko na maaari nilang ipambili ng kanilang regalo sa kanilang sarili o pambili din ng gamot.

Ang first half ng nasabing tulong-pinansyal ay ipinamahagi na noong May 2022.

Ang mga senior citizen sa Mandaue City ay mayroong yearly allowance na P8,000.

Sa datos ng Office of the Senior Citizens Affairs ang lungsod ay mayroong 25,000 na rehistradong senior citizens. (DDC)