P1.1M halaga ng Ukay-Ukay nakumpiska sa Matnog, Sorsogon

Nakumpiska ng mga tauhan ng Philippine Coast Guard (PCG) at Bureau of Customs (BOC) ang hindi dokumentadong gamit na damit o Ukay-Ukay sa Matnog Port, Sorsogon.

Nakita ang 41 bundle ng mga damit at ilang sapatos sa loob ng isang puti pampasaherong van.

Ayon sa PCG Station Sorsogon, aabot sa mahigit P1.1 milyon ang buong halaga ng mga kontrabando.

Agad na kinumpiska ang mga ito dahil sa paglabag sa Republic Act No. 4653.

Sa ngayon, nananatili sa kustodiya ng BOC ang naturang sasakyan para sa pagpapatuloy ng imbestigasyon. (DDC)