Biyahe ng PNR sinuspinde matapos ang tumamang magnitude 5.3 na lindol sa Camarines Norte

Sinuspinde ang biyahe ng Philippine National Railways (PNR) matapos ang tumamang magnitude 5.3 na lindol sa Camarines Norte na naramdaman din sa Metro Manila.

Sa abiso ng PNR, sinuspinde ang operasyon hapon ng Miyerkules, Dec. 7.

Ito ay para masigurong ligtas ang biyahe at hindi nagdulot ng pinsala sa riles at pasilidad ng PNR ang naganap na pagyanig.

Pinayuhan ang mga pasahero na mag-antabay sa official Facebook page ng PNR para sa karagdagang updates patungkol sa biyahe ng mga tren. (DDC)