Pinakamaraming bilang ng pasahero sa EDSA Busway naitala noong Dec. 5
Umabot sa kabuuang bilang na 410,474 na mga pasahero ang naserbisyuhan ng Libreng Sakay sa EDSA Bus Carousel, noong ika-5 ng Disyembre 2022.
Ito ang kauna-unahang pagkakataon na nakapagtala ng mahigit 400,000 na mga mananakay sa EDSA Bus Carousel sa ilalim ng Service Contracting Program dulot ng papalapit na kapaskuhan.
Patuloy pa rin ang 24/7 EDSA Busway Libreng Sakay operation na tatagal hanggang sa ika-31 ng Disyembre 2022.
Ang Service Contracting Program ay ipinatupad ng Department of Transportation (DOTr) at Land Transportation Franchising and Regulatory Board (LTFRB) upang tugunan ang pangangailangan ng mga commuter, operator, at driver. (DDC)
