DOH hinikayat ang publiko na magpabakuna kontra COVID-19 sa idaraos na Bakunahang Bayan

Aarangkada na ang tatlong araw na Bakunahang Bayan ng Department of Health (DOH) na naglalayong mabakunahan pa ang mga mamamayan laban sa COVID-19.

Idaraos ang Bakunahang Bayan mula Disyembre 5 hanggang 7 kung saan maaaring magpabakuna ang mga edad 5 hanggang 17 taon at mga edad 18 taon pataas.

Apela ng DOH sa mga hindi pa bakunado kontra COVID-19, sumama na sa milyung-milyong protektadong Pilipino at magdiriwang ng ligtas at kumpleto ngayong Pasko.

Maaring tumanggap ng primary series at booster doses sa isasagawang Bakunahang Bayan.

Ang bawat LGU ay makikilahok sa Bakunahang Bayan upang matiyak na may malapit na mapupuntahan ang mga residente para makapagpabakuna. (DDC)