TINGNAN: Christmas Train ng LRT-1 nagsimula nang bumiyahe
Muling ibinalik ngayong taon ang Christmas Train sa LRT-1.
Inilunsad ng Light Rail Manila Corporation (LRMC) ang LRT-1 Christmas Train na may temang “LRT1 Music of Christmas”.
Makikita sa loob ng Generation-3 train set na ito ang 3D decals na may iba’t ibang music genres tulad ng Christmas classical music at contemporary na may focus sa retro pop.
Sa isinagawang launching sa LRT-1 Baclaran Station nag-perform ang ilang miyembro ng Philippine Philharmonic Orchestra.
May mga LRT-1 train operators at station operations team na kumanta din sa loob ng tren at ilang mga guro mula sa Timoteo Paez Elementary School-136601-PYC.
Dumalo din sa launch event si Pasay City Mayor Emi Calixto-Rubiano. (DDC)
