Coast Guard Regional Training Center target maitayo sa Occidental Mindoro

Hinikayat ng Philippine Coast Guard (PCG) ang mga mambabatas na suportahan ang resolusyon sa Kamara na layong lumikha ng Coast Guard Regional Training Center at Coast Guard Response Base sa Occidental Mindoro.

Sa House Resolution No. 243 ni Occidental Mindoro Lone District Representative Leody Tarriela nakasaad na kailangan ng dagdag na pondo ng PCG para maitayo ang Coast Guard Regional Training Center sa Paluan, Occidental Mindoro.

Handa ang Local Government Unit (LGU) ng Paluan na mag-donate ng bahagi ng lupain na pagtatayuan ng nasabing pasilidad.

Kung maisasakatuparan ang pagtatayo ng Coast Guard Regional Training Center sa Paluan ay inaasahang makatutulong ito sa sa mga residente sa lugar.

Ang PCG ay mayroon nang limang regional training centers sa bansa kabilang ang nasa Bagac, Bataan; Taguig City; San Fernando, La Union; Laguindingan, Misamis Oriental; at Zamboanga City. (DDC)