Schedule para kapistahan ng Itim na Nazareno inilabas na ng Quiapo Church

Inilabas na ng pamunuuan Quiapo Church ang schedule para sa kapistahan ng Itim na Nazareno sa susunod na taon.

Dahil sa nagpapatuloy pa ring banta ng COVID-19 ay wala pa rinf magaganap na Traslacion.

Gayunman tuloy pa rin ang selebrasyon at ibang aktibidad para sa Nazareno 2023.

Katunayan nagsimula na ang pagdadala ng imahen ng Itim na Nazareno sa iba’t ibang lalawigan, sektor, at komunidad kahapon Dec. 1 hanggang 15 at sa Dec. 27 hanggang 29, 2022.

Isasagawa rin ang pagbabasbas ng replica sa Dec. 27 hanggang 29 sa Plaza, Sta. Cruz.

Magkakaroon naman ng “Pahalik” at misa sa Quirino Grandstand sa Luneta, sa January 7 hanggang 9, 2023.

Sa January 8 naman ay magkakaroon ng Walk of Faith. (DDC)