Mga pamilyang nasunugan sa Mandaue City tumanggap ng family food packs mula sa DSWD
Namahagi ng family food packs ang Department of Social Welfare and Development – Region 7 sa mga pamilyang nabiktima ng sunog sa Mandaue City.
Tumanggap ang mga pamilya ng family food packs at family kits mula kay DSWD Region 7 assistant Regional Director for Operations Juanito Cantero at Mandaue City Mayor Jonas Cortes.
Una nang nakatanggap ang mga pamilyang nasunugan ng P5,000 halaga ng financial assistance.
Noong Nov. 22 ay sumiklab ang malaking sunog sa Sitio Paradise sa Brgy. Looc kung saan umabot sa 670 na pamilya ang naapektuhan at 250 na mga bahay ang natupok. (DDC)
