6 patay sa shootout sa pagitan ng mga pulis at robbery suspects sa Cotabato

Kinumpirma ng Philippine National Police na anim ang nasawi sa insidente ng panloloob sa M’lang, Cotabato.

Sa press conference, sinabi ni PNP chief Police General Rodolfo Azurin Jr. hinoldap ng mga suspek ang bakery at tindahan ng arozcaldo sa lugar.

Nasawi sa shootout ang apat sa mga suspek, isang pulis at isang sibilyan.

Mayroon ding 2 pang pulis at 2 sibilyan na nasugatan.

Nagpapatuloy naman ang hot pursuit operation ng PNP sa 8 pang suspek.

Nilooban ng 12 armadong suspek ang bakery sa Brgy. Bagontapay at tinangay ang aabot sa P17,000 na cash.

Sa nasabing insidente ay pinaputukan ng mga suspek ang dalawang costumer na sina Jack Gumilao at Jose Patlubay.

Si Gumilao ay isa sa mga nasawi.

Kinilala naman ang nasawing pulis na si Police Staff Sergeant Rudy Amihan. (DDC)