Dalawang road projects sa Tarlac natapos na ng DPWH

Natapos na ng Department of Public Works and (DPWH) ang dalawang road connectivity projects sa rural communities sa Tarlac City.

Ayon kay DPWH Secretary Manuel M. Bonoan, base sa report ni DPWH Regional Office 3 Director Roseller A. Tolentino, natapos na ang concreting ng 1.79-kilometer section ng kalsada sa Barangay San Juan De Mata at ang improvement ng 1.35-kilometer local road sa Barangay Care.

Sinabi ng DPWH na layon nitong mas mabigyan ng mas maayos na biyahe ang mga residente.

Inaasahan ding mas sisigla ang agricultural sector sa lungsod dahil sa mas magiging mabilis ang pagbiyahe sa kanilang produkto patungo sa mga palengke.

Ang dalawang proyekto ay nagkakahalaga ng P61.9 million ay pinondohan sa ilalim ng 2022 General Appropriations Act (GAA). (DDC)