Mga bungo, kalansay nahukay sa construction site sa loob ng compound ng DOJ

May nadiskubreng mga bungo at kalansay ng tao sa paghuhukay na isinasagawa sa itinatayong library building sa compound ng Department of Justice (DOJ) sa Padre Faura, Maynila.

Kinumpirma ni DOJ spokesperson Atty. Mico Clavano na posibleng tatlo hanggang limang katao ang nagmamay-ari ng mga nahukay na skeletal remains.

Nakatakda namang makipagpulong si Justice Sec. Jesus Crispin Remulla sa forensic expert na si Dr. Raquel Fortun at anthropologists.

Ito ay para maisailalim sa pagsusuri ng mga nahukay na kalansay.

Dinala muna sa National Bureau of Investigation (NBI) ang mga nahukay na bungo at kalansay. (DDC)