Lalaki arestado sa pagbebenta ng baril sa Tarlac
Arestado ang isang 31 anyos na lalaki matapos magbenta ng baril sa isang pulis na nagpanggap na buyer sa bayan ng Bamban, lalawigan ng Tarlac.
Ayon sa Tarlac Provincial Police, ang suspek ay nakilalang si Anthony Timpog na residente ng Barangay San Vicente.
Isang pulis ang nagpanggap na buyer at binentahan ni Timpog ng .38 Smith & Wesson handgun sa halagang P5,000.
Ikinasa ang nasabing operasyon laban sa suspek matapos itong maisailalim sa surveillance at natukoy na sangkot sa ilegal na gawain.
Mahaharap ang suspek sa kasong paglabag sa Comprehensive Firearms and Ammunition Regulation Act. (DDC)
