37 na mga dating CPP-NPA members sumuko

Iprinisinta sa media ni National Capital Region Police Office (NCRPO) Acting Regional Director, Brigadier General Jonnel C. Estomo ang nasa 37 na dating miyembro ng Communist Party of the Philippines/New People’s Army, sa NCRPO Hinirang Multi-Purpose Hall, Camp Bagong Diwa, Bicutan, sa Taguig City.

Ayon kay BGen Estomo ang ginawang pagsuko sa otoridad at pagbalik-loob sa gobyerno ng mga ito ay pagpapakita ng pagbawi ng kanilang katapatan sa Communist Terrorist Group (CTG).

Isinuko din ng mga ito sa otoridad ang kanilang mga baril.

Nagagalak ang NCRPO chief na nagbubunga ng maganda ang ginagawang mga programa sa pinamumunuang pulisya.

Hinikayat din nito ang mga sumukong indibidwal na sa kaukulang tulong ng pamahalaan ay magsimulang muli at mamuhay ng payapa kasama ang kanilang mga pamilya.

Kabilang sa dumalo sa kaganapan ang iba pang opisyal at kinatawan ng NCRPO, DILG-NCR at NICA-NCR. (Bhelle Gamboa)