291 pang bagong kaso ng COVID-19 naitala sa Eastern Visayas

Nakapagtala ng dagdag na 291 pang bagong kaso ng COVID-19 sa Eastern Visayas.

Sa inilabas na datos ng Eastern Visayas – Center for Health and Development araw ng Huwebes, July 29, sumampa na sa 35,697 ang kabuuang kaso ng COVID-19 sa rehiyon.

Sa nasabing bilang, 1,502 ang active cases at 33,585 naman ang gumaling.

420 naman ang kabuuang bilang ng mga pumanaw.

Ang 291 na bagong kaso na nadagdag at mula sa sumusunod na mga lalawigan at lungsod:

Leyte (79)
Eastern Samar (64)
Ormoc City (42)
Tacloban City (37)
Samar (30)
Northern Samar (27)
Southern Leyte (7)
Biliran (5)

Muli namang itinaas sa “high” ang average daily attack rate sa Eastern Samar.

Habang sa iba pang lalawigan sa Eastern Visayas ay nasa “medium” na lamang ang average daily attack rate. (Dona Dominguez-Cargullo)