250 na mga bahay tinupok ng apoy sa sunog na naganap sa Mandaue City

Umabot sa 250 na mga bahay ang tinupok ng ng apoy sa sunog na naganap sa Mandaue City Martes (Nov. 22) ng gabi.

Ayon sa datos ng Mandaue City Fire, tinatayang aabot sa P1 million ang halaga ng pinsala ng sunog sa Sitio Paradise, Brgy. Looc at aabot sa 700 pamilya ang nawalan ng tirahan.

Nagsimula ang snog 11:46 ng gabi ng Martes at naideklarang fire out 2:38 na ng madaling araw ng Miyerkules (Nov. 23).

Ayon kay Mandaue City Mayor Jonas Cortes, ang mga nasunugan ay pansamantalang nananatili sa Mandaue City Central School.

Nagtayo ng modular tents para matuluyan ng mga pamilyang nasunugan. (DDC)