PANOORIN: Manila Zoo bukas na muli sa publiko simula ngayong araw
Bukas na muli sa publiko simula ngayong araw, Nov. 21, 2022 ang Manila Zoo.
Sa muling pagbubukas ng redeveloped na Manila Zoo, pinangunahan ni Manila Mayor Honey Lacuna ang pag-iinspeksyon sa pasyalan.
Ang Manila Zoo ay bukas araw-araw mula 9:00 ng umaga hanggang 6:00 ng gabi.
Sa mga nais pumasyal sa Manila Zoo, kailangang magparehistro at kumuha ng ticket at appointment sa website na manilazoo.ph
Ang halaga ng ticket para sa mga residente ng Maynila ay P150 sa mga adult and children, P100 kapag estudyante, at mayroon 20 percent na discount kapag PWD at Senior Citizen.
Sa mga hindi naman taga-Maynila, P300 ang ticket sa mga adult and children, P200 kapag estudyante at at mayroon ding 20 percent na discount kapag PWD at Senior Citizen.
Libre naman ang mga batang edad 2 pababa habang P100 lang ang entrance kapag government employee o guro sa lungsod. (DDC)
