Neil Arce itinangging hiwalay na sila ni Angel Locsin
Nagsalita na ang film-producer at businessman na si Neil Arce kaugnay sa mga bali-balitang hiwalayan nila ng aktres na si Angel Locsin.
Sa kaniyang pahayag na ipinadala sa comedian na si Ogie Diaz, itinanggi ni Arce na hiwalay na sila ni Locsin.
Tinawag niyang “fake news” ang mga ipinapakalat na impormasyon tungkol sa kanilang mag-asawa.
Una nang kumalat ang mga impormasyon na naghiwalay na ang mag-asawa ay mayroon umanong nabuntis na ibang babae si Arce.
Wala naman pang pahayag si Locsin hinggil dito. (DDC)
