CCP Complex isasara muna sa mga motorista simula Linggo hanggang Martes

Isasara muna sa mga motorista ang Cultural Center of the Philippines (CCP) Complex sa Pasay City para bigyang daan ang isang aktibidad.

Sa abiso ng Metropolitan Manila Development Authority (MMDA), simula 12:00 ng tanghali ng November 20 hanggang 12:00 ng tanghali ng November 22 ay hindi muna papayagan ang mga sasakyan sa CCP complex.

Ang mga empleyado, guests, at mga bisita sa CCP Complex ay papayagan pa rin namang pumasok sa lugar sa nasabing mga petsa.

Samantala, magpapatupad naman ng one-way traffic sa kahabaan ng A. Dela Rama mula Vicente Sotto St. hanggang Buendia.

Pinapayuhan ang mga motorista na gumamit ng alternatibong ruta. (DDC)