Publiko binalaan ng DPWH sa mga gumagamit ng pekeng email address ni Sec. Manuel Bonoan

Nagbabala ang Department of Public Works and Highways (DPWH) sa publiko laban sa mga gumagamit ng pekeng e-mail address gamit ang pangalan ni DPWH Sec. Manuel Bonoan.

Kabilang sa mga pekeng email add ay ang manuelbonoandpwh@g,mail.com at osec@dpwh.gov.ph

Ayon sa abiso ng DPWH, hindi kay Bonoan ang dalawang email address.

At anumang transaksyon o mensahe na matatanggap mula sa dalawang nabanggit na email address ay hindi ito otorisado ng Office of the Secretary.

Sinabi din sa abiso na ang lihitimong email address na ginagamit ng DPWH secretary para sa official communication purposes ay ang bonoan.manuel@dpwh.gov.ph