Problema sa RFID nagdulot ng matinding traffic sa SLEX at Skyway

Nagdulot ng matinding traffic sa South Luzon Expressway (SLEX) at Skyway ang problemang naranasan sa RFID sa mga ETC lane.

Sa abiso ng Skyway O&M Corporation sa kanilang official Twitter account, humaba ang pila ng mga sasakyan sa kanilang toll plazas dahil sa invalid reading sa mga ETC lane.

Sa hiwalay na abiso, sinabi ng untinlupa Traffic Management Bureau (MTMB) na maging ang mga gumagamit ng West Service Road at East Service Road Northbound sa Muntinlupa ay apektado ng mabigat na daloy ng traffic.

Humaba din ang pila ng mga sasakyan na papasok sa Susana Heights sa Tunasan.

Wala pa namang inilalabas na pahayag ang SMC Tollways hinggil sa nasabing problema. (DDC)