John Amores tinanggal na sa basketball team ng JRU
Mula sa indefinite ban na ipinataw ng Jose Rizal University (JRU) ay pinatawan ng expulsion si John Amores.
Kasunod ito ng kinasangkutang gulo ni Amores sa laban ng JRU at St. Benilde Blazers noong Nov. 9 sa NCAA.
Sa pahayag ng JRU, matapos ang isinagawang special inquiry ay napagpasyahan na i-upgrade sa “expulsion” ang parusa kay Amores.
Sa pahayag ng JRU, kanselado na ang lahat ng pribilehiyo ni Amores bilang student-athlete.
At salig naman sa Student Manual ng JRU, suspendido din si Amores sa kaniyang mga klase at kailangang sumailalim sa community service. (DDC)
