BTS Nagtala ng kasaysayan kasunod ng mga nakuhang nominasyon sa 65th Grammy Awards

Nakakuha ng dalawang nominasyon sa 2023 Grammy Awards ang K-pop group na BTS.

Kabilang sa nakuhang nominasyon ng South Korean group ay ang Best Music Video para sa kanilang latest single na “Yet To Come”.

Sa ikatlong sunod na taon, nominado muli ang BTS para sa Best Pop Duo/Group Performance para sa with “My Universe” na collab song nila sa bandang Coldplay.

Dahil dito, nagtala ng kasaysayan ang BTS bilang most nominated K-pop group sa kasaysayan ng Grammy Awards.

Noong 2021 nakuha ng BTS ang nominasyon sa Grammy Awards para sa single nilang “Dynamite” at noong 2022 para sa single nilang “Butter”.

Samantala, ang seven-time Grammy winner na Coldplay ay nominado naman sa Best Vocal Album at Album of the Year categories. (DDC)