Biden, iba pang world leaders magkakaroon ng emergency meeting kasunod ng pagsabog sa Poland

Nakatakdang magsagawa ng emergency meeting ang mga world leader na dumadalo sa G20 meeting sa Bali, Indonesia.

Ito ay para talakayin ang nangyaring pagsabog sa Poland na pinaniniwalaang dahil sa Russian missiles.

Si US President Joe Biden ang magco-convene ng nasabing pulong.

Inaasahang lalahok sa nasabing pulong ang mga lider mula sa United States, Germany, Canada, Netherlands, Japan, Spain, Italy, France at UK.

Itinaas na ang alert ng mga otoridad sa Poland matapos na dalawa ang masawi sa pagsabog na naganap malapit sa border ng Ukraine. (DDC)