Senior citizens sa Las Piñas tumanggap ng libreng flu vaccines

Aabot sa 1,000 na senior citizens ang nabigyan ng libreng influenza vaccines sa Las Piñas City.

Ito ay bahagi pa rin sa patuloy na pagbibigay prayoridad ng Las Piñas LGU sa kapakanan at kalusugan ng mga nakatatanda sa lungsod.

Sa pangangasiwa ng City Health Office at ng pakikipagtulungan ng Office of the Senior Citizen Affairs (OSCA) ay maayos na naisagawa ang mass flu vaccination sa Almanza I Covered Court at Verdant Covered Court sa Pamplona III para sa tig-500 na senior citizens mula sa District 1 at Dstrict 2.

Layunin ng pagbabakuna ay upang bigyan ng karagdagang proteksiyon ang mga senior citizens laban sa trangkaso at iba pang komplikasyon gaya ng atake sa puso,stroke at matinding pneumonia.

Masusing tinutukan naman ni Vice Mayor April Aguilar kasama si CHO Officer Dr. Julie Gonzales ang pagbabakuna sa mga senior citizen sa dalawang nabanggit na vaccination sites. (Bhelle Gamboa)