Miss Planet International sa susunod na taon na lang isasagawa

Binago ang petsa ng pagdaraos ng Miss Planet International kasunod ng mga naranasang aberya sa pageant.

Sa halip na Nov. 19 ay sa January 2023 na lamang gagawin ang pageant.

Mula sa Uganda ay inilipat naman sa Cambodia ang lugar na pagdarausan ng coronation night ayon sa anunsyo sa official Facebook Page ng Miss Planet International.

Ayon sa pahayag, nabigo ang Host Organizers na makatugon sa mga requirements para sa event.

Humingi naman ng paumanhin ang Miss Planet International sa mga naabala.

Kabilang sa nakaranas ng aberya ang pambato ng Pilipinas sa nasabing pageant na si Herlene Budol. (DDC)