P667.18B na budget ng DepEd sa 2023 aprubado na ng Senado
Nagpasalamat ang Department of Education sa senado sa mabilis na pag-apruba sa 2023 budget ng kagawaran.
Sa pahayag ng DepEd, pinasalamatan si Senator Pia Cayetano na tumayong budget sponsor ng kagawaran at mga mambabatas na sumuporta sa panukalang budget.
Mahalaga ito ayon sa DepEd kasunod na rin ng nananatiling hamon sa basic education bunsod ng pandemya ng COVID-19.
Tiniyak ng DepEd na sa ilalim ng pamumuno ni DepEd Sec. at Vice President Secretary Sara Z. Duterte, ang pondo ay ilalaan sa pangangailangan ng mga mag-aaral at sa pagtitiyak na sila ay mabibigyan ng de kalidad na basic education. (DDC)
