5 patay, 2 sugatan sa sunog sa Navotas City
Lima ang patay habang dalawa pa ang sugatan sa sunog na naganap sa Navotas City.
Ayon sa Bureau of Fire Protection (BFP) naganap ang sunog sa Cadorniga St. Brgy. Bagumbayan North sa lungsod Lunes (nov. 14) ng hapon.
Kinilala ng BFP ang mga nasawi na sina Teresa Lopez, 40 anyos; Darlene Baluyot, 19 anyos; Asuncion Tongco Gonzales, 50 anyos, Diorella Gonzales, 18 anyos at isang dalawang taong gulang na bata.
Maliban sa limang nasawi ay mayroon pang dalawang nasugatan sa insidente.
Ayon sa BFP nagsimula ang sunog bago mag alas 4:00 ng hapon at itinaas sa Task Force Alpha, 8:22 ng gabi.
Umabot sa 111 pamilya ang naapektuhan ng sunog. (DDC)
