Year-end bonus at cash gift ng mga empleyado ng gobyerno matatanggap na ngayong araw

Matatanggap na ng mga empleyado ng gobyerno ngayong araw ang kanilang year-end bonus at P5,000 na cash gift.

Ayon kay Department of Budget and Management (DBM) Sec. Amenah Pangandaman P56.7 billion ang pondo na inilaan para sa bonus at cash gift ng mga civilian employees at uniformed personnel.

Ito ay bahagi ng GAA o General Appropriations Act ngayong taon.

Ayon kay Pangandaman, ang year-end bonus ay katumbas ng isang buwang basic pay ng empleyado.

Ang mga empleyado na makatatanggap ng nasabing insentibo ay kailangang mayroon nang apat na buwan o higit pa sa serbisyo. (DDC)