Local at foreign films na ipalalabas sa QCinema Festival 2022, exempted sa review at classification ng MTRCB

Lumagda sa isang kasunduan ang Quezon City local government at ang Movie Television Review and Classification Board (MTRCB).

Sa nilagdaang memorandum of agreement, napagkasunduan ng MTRCB at ng QC Film Development Commission na i-exempt sa review at classification ang mga local at foreign films na ipapalabas sa idaraos na QCinema Festival 2022.

Kabilang sa lumagda sa nasabing kasunduan si QC Mayor Joy Belmonte at MTRCB Chairperson Lala Sotto.

Lumagda din sa MOA sina QC Vice Mayor Gian Sotto bilang co-chair ng QC FDC; Manet Dayrit, QCinema Film Foundation president; at Ed Lejano, QCinema Film Foundation board member and festival director.

Idaraos ang QCinema sa Nov. 17 hanggang 26, 2022. (DDC)