Halos P230K na halaga ng smuggled na sigarilyo nakumpiska ng Coast Guard sa Dapitan Port

Nakumpiska ng mga tauhan ng Philippine Coast Guard (PCG) ang halos P230,000 na halaga ng smuggled na sigarilyo sa Dapitan Port sa Zamboanga Del Norte.

Ang nasabing mga kontrabando ay natagpuan sa loob ng mga bagahe at kahon na isinakay sa pampasaherong bus patungong Dumaguete.

Sa pagtaya ng PCG, ang mga smuggled na sigarilyo ay mayroong market value na P228,140.

Dinala sa Bureau of Customs (BOC) – Dipolog ang mga smuggled na sigarilyo para sa karampatang imbestigasyon at proper disposition. (DDC)