7 iskolar ng Las Piñas CPALE passers
Pitong iskolar at graduates ng Dr. Filemon C Aguilar Memorial College of Las Piñas ang pumasa sa October 2022 Certified Public Accountants’ Licensure Exam (CPALE).
Ipinagmamalaki ng Las Piñas City Government ang matagumpay na pagkakapasa ng mga iskolar na sina Rosemarie C. Gadugdug;Ma. Guadlyn B. Gojol;Marielle M. Ham;Josel B. Lachica;Mariella P. Lara;Jose Manuel V. Nieto; at
Jordan D. Romero.
Malugod at mainit ang pagtanggap nina Mayor Imelda “Mel”Aguilar at Vice Mayor April Aguilar sa isinagawang pagbisita ng pitong iskolar sa Las Piñas City Hall.
Muling inihayag ng alkalde na sa kanyang administrasyon ay patuloy niyang prayoridad ang pagtataguyod ng mas magagandang serbisyo, dekalidad na edukasyon at libreng pagpapaaral sa mga kabataang Las Piñeros para sa tunay na pagkamit ng kanilang magandang kinabukasan. (Bhelle Gamboa)
