Pagbabakuna kontra COVID-19 sa LRT-2 nagpapatuloy
Nagpapatuloy ang pagbibigay ng bakuna kontra COVID-19 sa Araneta Center-Cubao station ng LRT-2.
Ayon sa abiso ng Light Rail Transit Authority (LRTA), maaaring magbakuna ng booster sa nasabing istasyon ang mga nakatanggap na ng dalawang primary series.
Bukas ang vaccination site tuwing Lunes, mula alas 9:00 ng umaga hanggang alas 3:00 ng hapon.
Ang nasabing programa ay bilang pagsuporta ng LRTA sa PinasLakas campaign ng Department of Health (DOH) na layong mailapit sa publiko ang pagbabakuna. (DDC)
