Shear Line, ITCZ magpapaulan sa malaking bahagi ng bansa
Makararanas ng pag-ulan ang malaking bahagi ng bansa dahil sa umiiral na Shear Line at Intertropical Convergence Zone (ITCZ).
Sa weather forecast ng PAGASA ngayong Lunes, Nov. 7 makararanas ng maulap na papawirin na mayroong kalat-kalat na pag-ulan at thunderstorms sa Batanes, Cagayan, Isabela, Aurora, at Quezon dahil sa Shear Line.
Maulap na papawirin na may kalat-kalat na pag-ulan din ang mararanasan sa Bicol Region, Eastern Visayas, Caraga, at Davao Region.
Bahagyang maulap na papawirin naman na mayroong isolated na pag-ulan ang mararanasan sa Metro Manila at sa nalalabi pang bahagi ng bansa. (DDC)
