Presyo ng tickets para sa concert ng Backstreet Boys sa bansa inilabas na
Inilabas na ng Live Nation Philippines ang presyo ng tickets para sa magaganap na concert ng grupong Backstreet Boys sa Mall of Asia Arena sa susunod na taon.
Ang DNA World Tour ng grupo sa bansa ay idaraos sa February 20, 2023.
Ang VIP 1 and 3 tickets ay nagkakahalaga ng P17,500 habang ang pinakamurang ticket sa General Admission ay P3,750.
Ayon sa Live Nation Philippines, sa Nov. 7, 10:00 ng umaga magsisimula ang Fan Club Pre-selling ng tickets.
Sa Nov. 8 naman, 10:00 ng umaga ang Pre-selling ng Live Nation. at sa Nov. 9, 10:00 ng umaga ang General on-sale. (DDC)
