Bar exams tuloy ayon sa SC sa kabila ng mga panawagang ipagpaliban ito

Tuloy ang pagdaraos ng 2022 Bar Exams base sa itinakdang petsa ayon sa Korte Suprema.

Sinabi ni Supreme Court spokesperson Atty. Brian Hosaka na tuloy ang bar exams sa Nov. 9,13, 16 at 20.

Ito ay sa kabilang ng mga panawagang ipagpaliban ang pagsusulit dahil sa pinsalang iniwan ng bagyong Paeng.

Ang Bar exams ay isasagawa sa 14 na testing centers. Gaya noong nakaraan ay digitalized din ang pagsusulit at gagamit ang mga examinees ng kani-kanilang devices.

Babantayan sila ng mga in-person proctors at mayroon ding CCTV camera sa mga lugar na pagdarausan ng exams. (DDC)