All-time high ridership naitala sa EDSA Busway noong Oktubre

Nakapagtala ng all-time high ridership sa EDSA Busway nitong nagdaang buwan ng Oktubre.

Ayon sa Department of Transportation (DOTr), umabot sa 404,010 ang naitalang bilang ng mga pasahero sa EDSA Busway noong October 24, 2022.

Dahil dito umabot sa 351,531 ang naitalang average monthly ridership sa EDSA Busway na pinakamataas mula nang mag-umpisa ang operasyon nito noong 2020.

Ayon sa DOTr, simula June 1, 2020 umabot na sa 130,238,608 ang ridership ng EDSA Busway.

Patuloy din ang pagbibigay ng libreng sakay sa EDSA Busway sa ilalim ng Service Contracting Program ng pamahalaan. (DDC)