Pasok sa lahat ng antas sa lalawigan ng Cavite suspendido hanggang Nov. 5
Apat na araw na suspendido ang pasok sa mga paaralan sa lahat ng antas sa buong lalawigan ng Cavite.
Ayon kay Cavite Gov. Jonvic Remulla, suspendido muna ang klase sa buong Cavite mula Nov. 2 hanggang Nov. 5, 2022.
Sinabi ni Remulla na kailangan munang maka-recover ng mga nasalanta ng bagyong Paeng sa lalawigan.
“Dahil malakas kayong lahat sa akin: #WalangPasok from Nov 2-5 sa lahat ng antas sa buong Cavite. Let’s help each other recover first,” ayon sa pahayag ni Remulla sa kaniyang Facebook page.
Kabilang ang lalawigan ng Cavite sa labis na nasalanta ng bagyong Paeng kung saan maraming residente ang binaha. (DDC)
