Taylor Swift gumawa ng kasaysayan; sampung kanta pasok sa Top 10 sa Billboard Hot 100

Gumawa ng kasaysayan si Taylor Swift bilang kauna-unahang artist na nakuha ang buong Top 10 sa Billboard Hot 100.

Ayon sa Billboard, ngayon lamang nangyari sa buong 65 na taon ng Billboard Hot 100 na ang buong top 10 ay nabuo mula sa kanta ng nag-iisang artist.

Tinalo ni Swift ang rapper na si Drake na nakapagtala na ng siyam niyang kanta sa Top 10 ng Billboard Hot 100. noong Sept. 2021.

Nangunguna sa Hot 100 ang “Anti-Hero” single ni Swift.

Itinatala ang Billboard Hot 100 base sa dami ng streams, airplay, at sales.

Narito ang mga kanta ni Swift na nasa Top 10:

No. 1, “Anti-Hero”
No. 2, “Lavender Haze”
No. 3, “Maroon”
No. 4, “Snow on the Beach,“ feat. Lana Del Rey
No. 5, “Midnight Rain”
No. 6, “Bejeweled”
No. 7, “Question…?”
No. 8, “You’re on Your Own, Kid”
No. 9, “Karma”
No. 10, “Vigilante Shit”