Barko sumadsad sa bahagi ng Batangas City; limang crew nailigtas ng Coast Guard

Rumesponde ang mga tauhan ng Philippine Coast Guard (PCG) sa isang maritime incident na kinasangkutan ng isang domestic vessel sa karagatang sakop ng Batangas City.

Ayon sa PCG, sumadsad ang MV EQUADOR dahil sa malakas na alon na dulot ng bagyong Paeng.

Nailigtas naman ang limang Filipino crew ng cargo ship.

Ayon sa PCG, ahat sila ay pawang nasa maayos na kondisyon.

Kinumpirma din ng mga crew na wala namang cargoes na laman ang barko nang mangyari ang insidente.

Wala ding naitalang oil spill ang Coast Guard matapos ang isinagawang assessment. (DDC)