Operasyon ng Mactan-Cebu International Airport balik na sa normal

Nabalik na ang normal na operasyon ng Mactan-Cebu International Airport (MCIA).

Ito ay makaraang makumpleto ang operasyon para maalis sa bahagi ng runway ang nag-overshoot na eroplano ng Korean Airlines.

Ayon sa Abiso ng MCIA Authority, balik na sa 24/7 operations ang paliparan.

Sa update ng Lapu Lapu City Disaster Risk Reduction and Management Office, natapos na kahapon ang retrieval operations sa KE631.

Magugunitang maraming flight ang nakansela dahil sa limitadong operasyon ng paliparan sa loob ng ilang araw. (DDC)