24/7 operation ng Mactan-Cebu International Airport hindi pa naibabalik
Hindi pa nakababalik sa 24/7 na operasyon ng Mactan-Cebu International Airport (MCIA) matapos ang insidente ng pag-overshoot ng eroplano ng Korean Airlines.
Sa inilabas na abiso ng pamunuan ng MCIA, nakasaad na ang operasyon ng domestic at international flights sa General Aviation area ng paliparan ay mula 5:00 ng umaga hanggang 5:00 ng hapon lamang araw-araw.
Tiniyak din ng MCIA na ginagawa na ang lahat para maibalik ang normal na operasyon ng paliparan.
Sa update mula sa Lapu Lapu City Disaster Risk Reduction and Management Office, nagsasagawa pa ng retrieval sa mga bagahe ng pasahero na naiwan sa Korean Air A330. (DDC)
