Mahigit 32,000 na mga pasahero bumiyahe sa mga pantalan ngayong umaga

Nakapagtala ang Philippine Coast Guard ng mahigit 32,000 mga pasahero na bumiyahe sa mga pantalan ngayong umaga ng Miyerkules (Oct. 26).

Ayon sa datos ng Coast Guard, simula 12:00 ng madaling araw hanggang 6:00 ng umaga ay mayroong naitalang 15,793 na outbound passengers at 16,713 inbound passengers.

Mayroong 2,436 na tauhan ang PCG na naka-deploy sa mga pantalan sa bansa.

Nag-inspeksyon ang mga tauhan ng PCG sa 178 na mga barko at 195 na motorbancas

Magpapatuloy ang monitoring ng Coast Guard sa mga pantalan sa bansa sa ilalim ng kanilang Oplan Biyaheng Ayos: Undas 2022. (DDC)