MMDA nagtalaga ng karagdagang mga tauhan para sa 27th ASEAN Labor Ministers’ Meeting
Nagtalaga ng karagdagang mga tauhan ang Metropolitan Manila Development Authority (MMDA) para sa 27th ASEAN Labor Ministers’ Meeting (ALMM).
Ang ALMM ay simula na ngayong araw, (Oct. 25) hanggang sa Oct. 29) at idaraos sa Shangri-La Hotel, The Fort BGC, Taguig.
Dadaluhan ito ng mga labor ministers mula sa mga bansang miyembro ng ASEAN.
Wala namang ipatutupad na re-routing at road closures para sa aktibidad.
Gayunman, ayon sa MMDA, inaasahan ang pagbigat ng daloy ng traffic sa lugar kaya nagtala sila ng karagdagang 186 na mga tauhan.
Tutulong ang mga tauhan ng MMDA sa traffic management, road clearing, at emergency response.
Nakahanda din ang ambulansya at first responders ng MMDA. (DDC)
